- Get link
- Other Apps
Exercise Karne Ke Liye Sahi Time Konsa Hai
Bahut se log aise hote hai jo morning me uth kar exercise karna pasand karte hai aur kuch aise hote hai jo working hours ke baad hi exercise karna theek samajhte hai. Kuch log jo thoda health ko le kar conscious rahte hai vo is cheez ke ke baare me pata lagana chahte hain ki, aakhir Exercise ke liye konsa time better rehta hai. It simply means ki vo ye janna chahte hai ki, kis waqt exercise ki jaaye to body ko jyada fayda milta hai. Kya koi aisi timing hai jis me workout karna jyada faydemand ho ya fir exercise kabhi bhi kar lo uska effect same hi rehta hai aur agar kisi time ki exercise ka fayda jyada milta hai to vo konsa time hai. Isse pahle ki hum aapko is baare me bataye, chaliye pahle hum aapko ye batate hai ki humari body kaam kaise karti hai.
Workout & Body Timing
Aapki body ki timing scientifically `Circadian Rhythm` ke naam se jaani jaati hai. Jo aapko batati hai ki aap early bird hai ya night owl. Shayad kuch log ye baat naa jante ho ki, humari body earth ke 24 hours ke pattern ke saath regulate hoti hai. Human body ka blood pressure, heart rate and hormone level Circadian Rhythm se regulate hota hai. Ye sab baatein aap ki body ke sahi time workout ko pata lagane me helpful hoti hai. Isliye Circadian Rhythm aapki exercise ke liye best time ka pata lagane me bahut crucial role play karta hai.
➤ Subah Ki Exercise Ke Fayde Aur Nuksan
Morning Exercise Ke Fayde : Morning exercise sehat ke liye behad labhdayak hoti hai, khaas karke unke liye jinka schedule bahut hi jyada inconsistent rehta hai. Research me saabit hua hai ki jo log morning exercise karte hai wo kaam me better perform karte hai. Ye isliye hai kyunki exercise humare brain me Endorphins release karta hai jo mood ko acha banaye rakhta hai aur aapke dimag ko tej function karne me help karta hai. Subak ki exercise ke saath aap stress bhi release karte ho, isliye aap better perform karte hai aur consistent morning exercise karne waalon ki body hamesha energized and fit rehti hai. Checkout :
Morning Exercise Ke Nuksan : Agar drawbacks yaani nuksan ki baat ki jaaye to iski sabse achi baat ye hai ki subah exercise karne ka koi bhi nuksan nhi hota. Kuch logon ke liye problem hoti hai jo morning exercise ke daily schedule me nahi jaa sakte hai. Morning exercise karne ke liye high level ki commitment chahiye hoti hai.
➤ Mid Day Exercise Ke Fayde Aur Nuksan
Dopahar Ki Exercise Ke Fayde : Humari body dopahar me sabse jyada energetic hoti hai, so afternoon is also a great for the exercise. Agar aap kisi vajah se morning me exercise nhi kar paate to aap din ke time ye jaruri kaam kar sakte hai. Jab humari body apni peak par hoti hai to exercise sabse better hoti hai for muscle growth & fat burning.
Dopahar Ki Exercise Ke Nuksan : Again, mid-day exercise ke bhi kisi tarah ke koi drawback nhi hai, bas mid day exercise karne ka ki sabke paas time nahi hota hai. Jyadatar logon ka schedule job ya business ki vajah se behad tight hota hai, aur vo chah kar bhi din ke waqt exercise ke liye time nahi nikal paate. Agar nikal bhi lete hai to exercise ke time ko cut karna pad jaata hai taaki baaki ki activities ko bhi time de sake.
➤ Night Time Exercise Ke Fayde Aur Nuksan
Raat Ki Exercise Ke Fayde : Raat (shaam) ki exercise unke liye best hoti hai jo bahut hi busy schedule me rahte hai aur unke liye bhi jinko morning or evening main time nahi mil paata. Evening ya night time me aap exercise ko zyada time de sakte hai.
Raat Ki Exercise Ke Nuksan : At the end ye bohat difficult hota hai ki aap evening me exercise kare kyunki pure din ke kaam ke baad aap already thake huye hote hai aap ki body bilkul tired ho chuki hoti hai. Exercise at night kabhi kabhi aap ke insomnia ke risk ko badha deti hai or raat ko neend na aane ki problem bhi ho sakti hai. Jab aap night workout karte hai to aap ki body me Adrenaline and Endorphins fluids jyada bante hai jo ki aapki good night sleep ko disturb karte hai.
☆ Conclusion : To Exercise Ke Liye Best Time Konsa Hai
Study ye show karti hai ki din ke kuch waqt aise hote hai jab body jyada calorie burn karti hai. Halanki, exercise ke liye best time ye dekh kar decide kiya jaata hai ki aapko kis waqt exercise karke kaisa feel hota hai. Basically logon ka manna hai ki Morning exercise se hi body ko sabse jyada fayda milta hai, iski ek bahut badi vajah subah ki saaf hawa aur saaf suthra environment bhi hota hai.
Iske alawa health experts ka ye manna hai ki, ye baat utni mayne nhi rakhti ki aap din ke kis waqt workout karte hai jo cheez jyada important hai vo ye hai ki aap apne routine ki kitni achi tarah follow karte hai. Ek fitness routine sirf tab hi apna best kaam karti hai jab vo ek habit ban jaaye. Life me discipline ka hona behad jaruri hai, jiska matlab hai.. Shi samay par sahi cheez karna, fir chahe aapka man vo karne ka ho ya na ho. Aur haan, aap chahe morning, Evening ya night kisi bhi time exercise karo uska fayda sirf aur sirf tab hi milega jab aap vo lagatar karoge.
- Get link
- Other Apps
Comments
Post a Comment